27 нче май көнне ,безнен бакча базасында, балаларны татар теленә өйрәтүче тәрбиячеләр, төркемдә  эшләүче тәрбиячеләр һәм методистлар өчен ачык шөгыль үткәрелде. Ачык шөгыльне балаларны  татар теленә өйрәтүче тәрбияче Рәхимова Рәсимә Гасыйм кызы үткәрде. Шөгыльдә мәктәпкә әзерлек төркемендә йөрүче рус телле балалар  катнашты. Алар “Без инде хәзер зурлар- мәктәпкә илтә юллар” проекты буенча шөгыльләнәләр. Бу көнне исә,  “Могҗизалар кыры”- дигән темага йомгаклау шөгыле күрсәтелде.Балалар Белем патшабикәсенең берсеннән- берсе кызыклы  биремнәрен үтәделәр.  Анда  “Корреспондент”, “Командир” , “Телефоннан сөйләшәбез”, “Рәсемең турында сөйлә”, “Кибет” уеннары уздырылды. Шөгыльнең барлык этаплары да бер- берсенә бәйләнгән, бирелгән тема һәм максатка буйсынган иде.Балаларга татар телендә җырларга ошый. Алар сүзне ике тапкыр җырлагач, яхшырак истә калдырдылар. Балалар үзләренең активлыкларын күрсәттеләр, барлык белгән белемнәрен диалоглар алып барганда кулландылар.Икетеллелек  хәтерне яхшырту, аңлый белү, тел күренешләре турында әңгәмәдә катнаша алу һәм анализ ясау, реакция тизлеге артуга, бәхәссез, уңай тәэсир итә. Бала кечкенә булган саен, аның икенче телне максималь рәвештә киң, камил белү, өйрәнү мөмкинлеге күбрәк. Безнең уйлавыбызча, уен мотивациясе балаларда кызыксыну уятты, аларның активлыгы бик югары булды. Шөгыль ахырында оештырылган сораштыру түбәндәгене күрсәтте: ул балаларга бик ошады, алар аның дәвамы булуын телиләр.