Бирнә җыю – татар халкында сакланып килгән бик борынгы йолаларның берсе. Аны сабантуй алдыннан берничә көн кала җыялар: егетләр гармуннар тота, кызлар җырлыйлар, өйдән – өйгә кереп, такмак әйтеп, хуҗаларны сәламлиләр. Ә өй хуҗалары , үз чиратларында, өйләреннән чыгып, теләкләр теләп, сабантуйга дип хәстәрләнеп куйган бүләкләрен тапшыралар. Шушы максат белән,безнең балалар бакчасы сабыйлары 10 нчы июньдә бирнә җыерга чыктылар, бу матур йола белән якыннан таныштылар: милли бәйрәмгә – Сабантуйга бирнә җыйдылар.