27 октябрь конне район «Халыклар дуслыгы йорты»нда «Татарча диктант» акциясе булып узды. Акциядә Яңа Чишмә гимназиясенең югары сыйныф укучылары, район мәктәпләреннән килгән укытучылар, район мәгариф булеге вәкилләре, Узәк китапханә системасы хезмәткәрләре һәм акциядә катнашырга теләк белдергән район кешеләре – барлыгы 44 кеше катнашты. Акция “2014-2020 елларда Татарстан Республикасындагы дәүләт телләрен һәм башка телләрне саклау, өйрәнү һәм үстерү” программасын тормышка ашыру максатында оештырылды. Мәгариф бүлеге барлык акциядә катнашучыларга олы рәхмәтен җиткерә һәм киләчәктә дә татар телен үстерү, саклау буенча эшне дәвам итергә чакыра. Акцияне оештыручылар “барлык катнашучыларга сертификатлар тапшырылачак, ә хатасыз язучыларга аерым бүләкләр биреләчәк,” дип хәбәр итәләр.