30 декабрь көнне Түбән Кама шәһәрендә узган Бөтенроссия чаңгы ярышы спартакиадасында безнең мәктәп укучылар командасы уңышлы чыгыш ясап, гомумикоманда 4 урынны яулады. Чаңгычыларыбызны уңышлары белән тәбрик итәбез, киләчәктә дә уңышлар телибез.

Бүген Кар шәһәрчегендә балаларның кышкы ял һәм сәламәтләндерү лагерын ачу тантанасы булды.

Көннәрегез имин, бәйрәмнәрегез мөбарәк булсын! Якынлашып килүче Яңа ел сезгә уңышлар алып килсен!

24 нче декабрьдә мәктәп буенча гомуми ата - аналар җыелышы булып үтте.  Анда район үзәк хастәханәсе табибы - Светлана Сергеевна катнашты.

23 декабрьдә булып узган "Яшь укытучы -2015" конкурсының "Иң яхшы программа" номинациясендә мәктәбебезнең инглиз теле укытучысы Раилә Гарифуллина җиңү яулады.

19 декабрь көнне район спорт сарайларында район беренчелегенә волейбол ярышлары булып узды. Безнең мәктәптән кызлар һәм егетләр командалары катнашты. Егетләр 1 нче, кызлар 5 нче (гомуми команда - 3 ) урынны яуладылар. Бу зур җиңүләре белән укучыларны котлыйбыз, киләчәктә  дә зур уңышлар телибез.

1 декабрь  көнне югары сыйныфларда спид авыруына каршы көрәш көне уңаеннан, сыйныф сәгатьләре  үткәрелде.