“Волонтер” сүзенә кыскача аңлатма биреп үтик. Әлеге сүз француз телендәге volontaire сүзеннән барлыкка килгән. Ул – “үз теләге белән ярдәм итүче кеше” дигәнне аңлата. “Хәйрия эшчәнлеге һәм хәйрия оешмалары турындагы” РФ Федераль Законының 5 маддәсе нигезендә “Ирекле ярдәмчеләр (волонтерлар) – хәйрия эшчәнлеген түләүсез хезмәт формасында башкара торган гражданнар”. Иң мөһиме, ирекле ярдәмчеләр җәмгыятьтә үзләренең кирәкле булуларын тоялар. Шунлыктан алар үз илләре, яшәгән авыллары файдасына хезмәт итәләр.

Бүген, ягъни 11 октябрьдә,  укудан кайтып тамак ялгаганнан соң, мәктәбебезнең ирекле ярдәмчеләре (волонтерлар) авылны чүптән арындыру максаты белән мәдәният йорты бинасы янына җыелдылар. 10 волонтер 5 әр итеп 2 группага бүленде һәм үзләренең җитәкче апалары белән эшне башладылар. 2 сәгатькә сузылган әлеге операциядән соң авыл урамнары чистарып калды. Балалар үз эшләреннән бик канәгать хәлдә өйләренә таралды.