Юбиляр үзенең тормышын балаларга белем бирүгә багышлаган. Ул гомере буена үзенең күзәтүләрен көндәлекләргә теркәп бара һәм шуларны тәртипкә салып, аларны җыентыклар итеп бастыра. Галимҗан Вәлиев өлкән яшьтә булуына карамастан, иҗат эшен дәвам итә, “Кама таңнары” берләшмәсе әгъзасы булып санала. Ул укыткан укучылар зур үрләр яулаганнар һәм бөтен ил буенча таралганнар. Алар да Галимҗан абыйны котларга дип килгәннәр иде. Шулай ук кунаклар арасында “Кама таңнары” әгъзалары, аксакаллар да бар иде. Алар барысы да юбилярга үзләренең җылы теләкләрен җиткерделәр. Галимҗан Шакир улы Вәлиевка сәламәтлек, озын гомер телибез!