Аның туган ягы - Мөслим районының Башкортстан белән чиктәш җирендә – гаҗәеп соклангыч, бай табигатькә сыенып утырган Баек авылы. Кечкенәдән хикәяләр язган, район газеталарында да басылган. Илүсә Нәбиуллинаның әсәрләре телнең гомерен озайта торган саф халыкчан телдә язылганнар.Көлдерә дә, уйландыра да алар. Укучылар әлеге кичәгә тырышып әзерләнгән иде. Алар әсәрләреннән өзекләр укыдылар, үзенә багышланган шигырьләрен яттан сөйләделәр, үзләрен кызыксындырган сорауларны бирделәр.  

             Илүсә Нәбиуллинаның буыннар аша күпер салган иҗат бәйрәме һәрберебезнең күңелендә яңа хисләр, яшәүгә дәрт уятты. Иҗаты өлкән буын вәкилләрен дә, яшьләрне дә телебезнең, халкыбызның язмышы турында туктаусыз уйланырга чакыра, тырышып эшләргә, яхшы укырга, тәртипле-тәрбияле булырга өнди.