Мәктәптә “Мин татарча сөйләшәм!” акциясе дәвам итә. Шул уңайдан 24 нче февраль көнне Г.Тукайга багышланган “Мәңгелек чишмә” дип аталган әдәби кичә узды. Тукаебызның тормыш юлы, ижаты буенча һәм әкиятләре буенча рәсем күргәзмәсе оештырылды. Рәсем күргәзмәсендә 6А, 6Б, 6В,7А сыйныф укучылары катнашты. Барлык укучылар да, Тукай әкиятләренә нигезләнеп, рәсемнәрен бик тырышып ясаганнар. Нәтиҗәдә I урынга – 7А сыйныф укучысы Грачева Кристина, 6А сыйныф укучысы Михайленко Екатерина, II урынга - 6Б сыйныф укучысы  Роменская Екатерина, III  урынга - 6В сыйныф укучысы Дегтярев Семен лаек булды. Алга таба да укучыларга уңышлар телибез!

“Түбән Кама шәһәрендә яшәүче халыкларның милли бәйрәмнәре,

гореф-гадәтләре” исемле рәсемнәр бәйгесе.

        Мәктәптә татар теле атналыгы дәвам итә. Шул уңайдан төрле бәйгеләр оештырыла. “Түбән Кама шәһәрендә яшәүче халыкларның милли бәйрәмнәре, гореф-гадәтләре” исемле рәсемнәр бәйгесе 20 феврал көнне узды. Бәйгедә катнашучылар эшләрендә күбрәк татар халкының милли бәйрәме Сабантуй күренешләрен тасвирлаганнар. Бәйгенең җиңүчеләре: 3б сыйныфы укучысы Исмәгыйлев Самат, 9а сыйныфы укучысы Мамзикова София, 7а сыйныфы укучылары Митягина Ирина һәм Левша Дмитрий. Бәйгедә катнашучы һәр укучыга рәхмәт! 

2000 елдан башлап бу көн зур бәйрәм буларак билгеләп үтелә. Безнең мәктәптә шул уңайдан “Һәр йомгакның була үз сере” дип аталган чара булып узды. Очрашуга укучылар белән берлектә аларның әби-бабалары да чакырылган иде. Хөрмәтле кунакларыбыз да булды, алар -  “Кама таңнары” әдәби берләшмәсенең җитәкчесе Абдуллин Фәтхулла абый,    Аксакаллар шурасы әгъзасы Минһаҗев Суфьян абый, “Югалган эзләр” китабы, күп кенә хикәяләр авторы  Имамов Фәрит абый  һәм мөхтәрәм кунагыбыз Әнүзә әби. Сөйләшү буыннар чылбыры турында, әби-бабайларның балаларга милли тәрбия бирүдә тоткан урыны турында барды.

Ученики 9А класса средней школы №15 приняли участие в  мероприятии, посвященном памяти члена Союза российских писателей Михаила Федосенко. Вечер состоялся в Доме дружбы народов  города Нижнекамска.

Писателю, поэту и журналисту  Михаилу Федосенко в этом году исполнилось бы 65 лет. На мероприятии присутствовали его родственники, друзья и коллеги, которые вспомнили творчество известного нижнекамца.

Михаил Леонидович буквально жил стихами. Его творчество оставило большой след и в жизни города. Немало своих стихов он посвятил Нижнекамску.

 Республика күләмендә оештырылган “Мин татарча сөйләшәм!” акциясендә безнең мәктәп укучылары да актив катнашалар. 3а һәм 3б сыйныфы укучылары,  өлкәнрәкләрдән  үрнәк алып,  “Магнит” сәүдә үзәгендә менеджерлар белән берлектә «Без татар телен яратабыз» исеме астында уен оештырдылар.  Укучылар, сатып алучылар белән әңгәмә оештырып, үзләрен кызыксындырган сорауларга җавап эзләп, кибет хезмәткәрләре белән татар телендә элемтәгә керделәр. Чарада 16 укучы катнашты.

Нәби Дәүлинең тормыш юлы һәм иҗатына багышланган викторина.

     “Мин татарча сөйләшәм!” акциясенә ияреп, татар теле атналыгы кысаларында 20 февральдә мәктәптә Нәби Дәүлинең тормыш юлы һәм иҗатына багышланган викторина үткәрелде. Бу чарада 8 А һәм Б сыйныфы укучылары катнашты. Укучылар үзләренең тапкырлыкларын, талантларын,  иҗади сәләтләрен күрсәттеләр. Чара барышында аларның язучы иҗатын һәм тормыш юлын кызыксынып тирәнтен  өйрәнүләре күренде. Ике команда да мактау кәгазьләре белән бүләкләнде. 

20 февраль көнне 2 А һәм Б сыйныфы укучылары өчен “Дәреслек бәйрәме” үткәрелде. Дәреслектәге шигырьләрне оста итеп сөйләү белән беррәттән укучылар табышмак чишүдә дә тапкырлыкларын күрсәттеләр.  Татар теле һәм әдәбияты укытучысы Яруллина Ләйсән Минсәгыйть кызы чара барышында бик кызыклы фактларга тукталды. Беренче дәреслекләр тарихы балаларны аеруча кызыксындырды. Укучылар әлеге очрашудан күтәренке кәеф белән таралышты.

Поздравляем Багауова Айдара, ученика 10а  класса, занявшего 1 место в соревнованиях  по лыжным гонкам среди Совета отцов  образовательных учреждений. Молодец! Так держать!