Курайчылар курай уйнамас,      

Башкорт курайлары булмаса... 

10-11 нче апрельдә   И.Х. Садыйков исемендәге Балалар һәм яшьләр иҗаты сараенда Түбән Кама муниципаль районы  күләмендә укучы балалар арасында “Яшь курайчылар” фестиваль-бәйгесенең  VII нче шәһәркүләм йомгаклау туры үткәрелде.

Бу бәйгедә 14 нче лицейның  2 Г һәм 3Г сыйныфы укучылары  катнашты. Һәр сыйныфта 10 укучыдан ансамбль оештырылды, аларга матур-матур исемнәр сайланды, мәсәлән: 2Г – “Ләйсән”, 3Г – “Тамчыкай” исемен үз итте. Бәйгенең тагын бер шарты – укучыларның сәхнә костюмыннан булулары иде, анысын инде башлангыч сыйныф укытучысы Нуртдинова Чулпан Мирхәт кызы кайгыртты.  2Г сыйныфының репертуарында  “Өммегөлсем”, “Өч дус биюе”, “Уфа-Чиләбе”, ә 3Г сыйныфы репертуарында “Туган тел”, “Көймә килә”, “Матур илем” көйләре аһәңле яңгырады, курай моңнары бөтен залга таралды. Җитәкчеләре Әмируллин Дилшат Минсәях улының тырышлыгы аркасында  2Г сыйныфы укучылары (2 нче сыйныфлар арасында), 3Г сыйныфы укучылары (3-5 сыйныфлар арасында)  II нче дәрәҗә лауреат Дипломы  белән бүләкләнделәр. Конкурсның Рәсәйдә әйләнә-тирә мохитне саклау, Татарстан Республикасында экология елына багышлап үткәрелүе  турында да әйтеп үтәргә кирәк. Быелгы фестиваль-бәйге укучыларыбыз хәтерендә озак сакланыр дип ышанасы килә.

 Кадерле укучыларыбыз һәм аларга ныклы белем, тәрбия бирүче Нуртдинова Чулпан Мирхәт кызына; ел саен “Яшь курайчылар” бәйгесендә  укучыларыбызны призлы урыннар белән сөендерүче, таләпчән, барлык көчен куеп эшләүче өстәмә белем бирү педагогы – Әмируллин Дилшат Минсәях улына сәламәтлек, гаилә бәхете, яңадан-яңа уңышлар теләп калабыз.

Габидуллина Н.И., милли мәгариф буенча директор урынбасары