Дөньяда бик дәһшәтле ике көч бар: ут һәм су! Шушы ике көчтән башка тормыш, тереклек юк. Акыл белән файдалана белсәң, алар икесе дә – кешеләрнең дуслары, ярдәмчеләре.

«Ут» сүзен ишетү белән күз алдына жылылык, яктылык кебек күренешләр килеп баса. Димәк, ут ул кеше өчен бик кирәкле, файдалы әйбер. Безнең борынгы әби-бабайларыбыз утны үзләре тапканнар. Ул аларга жылылык һәм ризык пешерү өчен кирәк булган. Һәм кешеләр уттан башка яшәүне мөмкин түгел дип саный башлыйлар. Әмма утның файдалы ягы гына түгел, куркыныч ягы да бар. Куркыныч ягы – ул янгын...

Янгынны кисәтү һәм булдырмау максатыннан чыгып, Бөтенроссия  ирекле янгын сакчылыгы җәмгыяте, ТР буенча Россия  МЧС күзәтчелек эшчәнлеге бүлеге, “ВДПО” ТРОның Түбән Кама шәһәренең район бүлеге белән берлектә янгын куркынычсызлыгы темасына укучылар арасында иң яхшы рәсем, кул эше, аппликация, инша язу буенча конкурс уздырды.

Бу конкурска шәһәребездән барлыгы 634 эш тәкъдим ителгән,  1 нче урынны алган эшләр бәйгенең 2 нче этабына җибәрелде. 

14 лицей укучылары да бу конкурстан читтә калмадылар: 39 укучы  төрле номинацияләргә үз эшләрен тәкъдим итте. Конкурс нәтиҗәләре буенча 39 укучы арасыннан 3 укучыбыз призлы урыннарга лаек булды, ә калган укучыларга Сертификатлар тапшырылды.

Татар теле һәм әдәбияты укытучысы Мифтахова Эльмира Флүр кызы җитәкчелегендә  2 укучы  инша язды: 7А сыйныфы укучысы Сафиуллина Эльвира иншалар номинациясендә I дәрәҗәле Дипломга лаек булса, ә иң яшь катнашучылар номинациясендә 2 А сыйныфы укучысы  Мифтахов Айнур II дәрәҗәле Диплом белән бүләкләнде.

Хөрмәтле Эльмира Флүровна һәм кадерле укучылар! Афәрин! Иҗади уңышлар сезгә!