Татар халкының бөек шагыйре, якты кояшы, талантлы, милләтпәрвәр улы Габдулла Тукайның тууына быел 131 ел була.

Быел кабат Габдулла Тукай исемендәге шәһәр Үзәк китапханәсендә “Яттан сөйлә Тукай шигырьләрен, шушы булыр иң зур бүләгең” исемле сәнгатьле шигырь сөйләүчеләр бәйгесе булып узды. Быелгы бәйге тагын да үзенчәлекле булды, чөнки ул Татарстанның халык шагыйре Татарстан Республикасы Дәүләт Советының мәгариф, мәдәният, фән һәм милли мәсьәләләр комитеты рәисе Рәзил Исмәгыйль улы Вәлиевнең 70 яшьлек юбилее, татар халкының бөек шагыйре Габдулла Тукайның 131 еллыгына багышлап үткәрелде. Шигырь җанлы, әдәбият яратучы, сәләтле укучыларыбыз җыелган иде биредә.

28 нче март көнне безнең лицейдан  да муниципаль бәйгенең 3 нче турында укучылар катнашты һәм репертуар да төрле иде:

-         Хәсәнҗанов Шамил (2в) – Г.Тукай “Сөткә төшкән тычкан”, Р.Вәлиев “Елаудан үзе туктады” – укытучысы Нуртдинова Ч.М;

-          Бәхтиев Тимур (3г) – Г.Тукай “Ай һәм Кояш”, Р.Вәлиев “Хыялый мияубикә” – укытучысы Шмелева Л.Г.;

-          Нуриәхмәтова Лилия (9м) – Г.Тукай  “Ана догасы”, Р.Вәлиев “Дисбе” – татар теле һәм әдәбияты укытучысы Фәсхетдинова З.М..

Бәйге нәтиҗәләре әлегә билгеле булмаса да, укучыларга рәхмәтебезне әйтеп, аларга уңышлар теләп калыйк!

Н.И.Габидуллина, милли мәгариф буенча директор урынбасары