2017 нче елның 5 нче мартында балалар һәм яшүсмерләр арасында «О тех, кто дарует нам жизнь и тепло» (Тормыш һәм гаилә җылысын бүләк итүчеләр турында) шәһәркүләм шигырь укучылар бәйгесенең соңгы туры Түбән Кама шәһәренең Халыклар дуслыгы йортында узды.

Бу бәйгедә безнең мәктәптән дә укучылар катнашты һәм төрле номинацияләрдә  призлы урынга лаек булды:

III нче дәрәҗәдәге Диплом – Нуриәхмәтова Лилия (9м) – “Шигырь укучылар” номинациясе, җитәкчесе Әбуярова С.М.;

III нче дәрәҗәдәге Диплом  – Юрьева Кристина (6б) – “Шигырь укучылар” номинациясе, җитәкчесе Закирова Ф.Р.

Исмәгыйлева Әдилә (2б) - җитәкчесе Хәмидуллина А.И., Сөләйманова Ясминә (2э) - җитәкчесе Кашапова Э.Р. “Шигырь укучылар” номинациясендә Грамотага лаек булдылар.

I нче дәрәҗәдәге Диплом – Гайнуллина Әдилә (5э) -“Рәсемнәр” номинациясе, укытучысы Әбуярова С.М.

Шуны да әйтеп үтәргә кирәк:  конкурс шәһәребездә Габдулла Тукай һәм Тарас Шевченко хөрмәтенә багышлап YI тапкыр үткәрелә.

 Бу ике милләт вәкиленең бөек шагыйрен нәрсә берләштерә соң? Икесе дә бик яшьли ятим калган, кечкенәдән гаилә җылысы һәм  Ана назыннан мәхрүм калган алар... Икесе өчен дә  гаилә төшенчәсе һәм гаилә темасы бик мөһим булган, шуңа күрә дә бу тема иҗатларында төп урынны алып торган да инде. Быелгы конкурс нәкъ менә шушы темаларга багышланды: гаилә, ата-ана, туганнар, әни...

Укучыларыбызның ике телдә: татар һәм украин телендә матур итеп сөйли алулары, зәвыклы рәсемнәре, вак-төяк кул эшләре (поделки) – (3б сыйныфы укучысы Гудошников Вячеслав II нче дәрәҗәдәге Дипломга лаек булды, җитәкчесе Корчик Т.С.)  һәркемне сокландыргандыр, мөгаен.

Конкурста катнашкан укучыларга һәм аларны шушы бәйгегә әзерләгән әти-әниләренә, укытучыларга зур рәхмәтебезне җиткерәбез.  

Габидуллина Н.И., милли мәгариф буенча директор урынбасары