Һәр елны Алабуга шәһәрендә “Алар Россия данын яклаучылар” дип исемләнгән укучыларның республикакүләм фәнни–эзләнү конференциясе үткәрелә. Әлеге уку  елында  конференция 3нче мартта 6нчы тапкыр узды, ул галим В.М.Бехтеровның тууына 160 ел тулу уңаеннан үткәрелде. Конференциядә катнашу өчен Татарстанның бик күп районнарыннан килгәннәр. Безнең лицейдан әлеге конференциядә Бәхтиев Тимур (3г сыйныфы) катнашты: 26 укучы арасыннан IIIнче дәрәҗәдәге Дипломга лаек булды. Эзләнү эшенең темасы да бик матур яңгырый  - “Үлән һәм чәчәкләрнең дәвалау көче бар” -  шуңа күрә бу тема Тимурны кызыксындырды, ә тырышлык юкка түгел бит. Тырышлык барыбызга да бик кирәкле сыйфат. Тимурның бу конференциядә икенче тапкыр катнашуы. Алабуга шәһәренә экскурсия ясау, аның музейларын үз күзләре белән күреп кайту насыйп булды бу юлы.

Тимурның фәнни җитәкчесе Шмелева Л.Г., аларга алдагы эшләрендә тагын да зуррак уңышлар теләп калабыз.

Н.И.Габидуллина, милли мәгариф буенча директор урынбасары