Яз ул - табигатьнең яшәрүе. Дөрестән дә, җир парлана, елгалар ачыла. Тереклек өчен иң мөһим шартларның икесе - дым һәм җылылык табигатьне уята, кошлар сайравы күңелгә рәхәтлек бирә, агачлар яфрак яра. Җир буйлап, аны матурлыкка күмеп Яз атлый. Бүген, шундый язгы матур көндә, мәдәният йорты ишек алдында "Карга боткасы" фольклор бәйрәме үткәрелде.Учакта казан тутырып ботка пешерелде. Ботка каргаларга да, килгән авылдашларга да җитәрлек булды. Без дә балалар белән бу бәйрәмдә катнаштык. Уртанчылар төркеменә йөрүче Ахметшина Алия Фәүзия әбисе белән бергә чәй табынына матур теләкләр тели-тели урам буйлап йөреп тәм-том, йомырка җыеп кайттылыр. Бәйрәм булгач бәйрәм инде, җыр-бию дә, уеннар да җитәрлек булды.
Тәрбияче ярдәмчесе Валеева Гөлназ Альберт кызы да үзенең матур җырларын бүләк итте.
#Эковесна