"Мин ТАТАРЧА сөйләшәм!" акциясенең төп максатлары – татар теленең шәһәрдәге кулланылыш даирәсен киңәйтү, татар шәһәр мәдәни мохитен булдыру. "Мин ТАТАРЧА сөйләшәм!" акциясе – татар телен популярлаштыра торган чараларның берсе.
Туган телебезнең, милләтебезнең киләчәге бары тик безнең кулда.

      Акция барышында мәктәпнең барлык укучылары, татар теле укытучылары белән берлектә җәмәгатьчелекнең төрле катламы катнашты. Мәктәптә "Мин татарча сөйләшәм !" девизы астында аралашу көне уздырылды. Бу инде мәктәпнең традициясенә әверелде. "И туган тел ” исемле дәрестән тыш чара үткәрелде. Анда төрле милләт кешеләре үз телләрендә шигырьләр укыдылар, җырлар җырладылар. 9 сыйныфларда үткәрелгән сыйныф сәгатьләрендә дә укучылар татар телендә аралаштылар.

Республика күләмендә оештырылган “Мин татарча сөйләшәм!” акциясендә безнең мәктәп укучылары да актив катнашалар. 6 нчы  сыйныф  укучылары,  өлкәнрәкләрдән  үрнәк алып,  “Лента ” сәүдә үзәгендә менеджерлар белән берлектә “Мин татарча сөйләшәм!” исеме астында  бәйге оештырдылар.  Укучылар, сатып алучылар белән әңгәмә оештырып, үзләрен кызыксындырган сорауларга җавап эзләп, кибет хезмәткәрләре белән татар телендә элемтәгә керделәр. Чарада 17 укучы катнашты.