15 нче февраль - Татар халкының патриоты, бөек улы, герой шагыйрь Муса Җәлилнең туган көне. Ул әсәрләре белән генә түгел, бәлки үлеме белән дә исемен мәңгеләштергән шагыйрь. Патриот шагыйрьнең тормыш һәм иҗат юлы белән якыннан таныштыру, башлангыч класс укучыларында шагыйрь иҗатына карата кызыксыну уяту, патриотик хис, туган илгә мәхәббәт тәрбияләү максатыннан бүген 4а сыйныф укучылары( укытучылары Аменова Э.З, Сайделова Ф.В)  5 нче номерлы китапханәдә кунак булдылар. Китапханә хезмәткәрләре укучыларга М. Җәлилнең биографиясе, иҗаты һәм батырлыклары турында сөйләделәр. Балалар үзләре дә әңгәмәдә бик теләп катнаштылар.