Бүген, 25 нче ноябрьдә регион күләмендә, 49 нчы балалар бакчасында семинар оештырылды. Бу семинарда Балык Бистәсе, Әлмәт, Чаллы, Чистай, Кама Аланы Бистәсе, Түбән Кама педагоглары катнашты.  Чарада халкыбызның теленә, рухи кыйммәтләренә, йолаларына карата төрле чаралар оештырылды. Бәйрәм Татарстанда яшәүче халыкларның дуслыгын чагылдыру максатыннан дефиле күрсәтү белән башланып китте. Аннары 3 нче төркем балалары тарафыннан "Исемең матур, кемнәр куйган..." әдәби-музыкаль чара карадык. Халкыбызның элек-электән килгән кул эшләрен ничек балаларга өйрәтү максатыннан, түгәрәк эшчәнлекләре оештырылды. Без бу эшчәнлекләрдә сәйлән үрү серләренә, ничек итеп кечкенәдән үк балаларга үзләренә тукымадан курчак ясарга булуын күрдек. Семинар шул ягы белән аерылып торды, музейда балалар экскусовод ролен үтәделәр, педагогларыбыз милли бизәкләр, элементларны ничек итеп татар киемнәрен заманча бизәү серләренә,сәйлән үрү буенча килгән кунакларга мастер-класслар күрсәттеләр. Шулай ук семинарга карата шәһәребезнең аксакаллары да фикерләрен әйттеләр, югары бәя бирделәр. Балаларны татар милли рухында тәрбияләнүенә тагын бер кат инандылар. Татар конгресс җитәкчесенең урынбасары Исмагилова Вәсилә Исмагиловна  балалар бакчасы эшенең  мәгънәви яктан, дөрес оештырылганын күреп, шагыйрь сүзләренә таянып:  "Теле нинди-иле шундый, иле нинди-халкы шундый, халкы нинди-баласы шундый" икәнлегенә төшенеп, рәхмәт сүзләрен белдерде.