42 нче мәктәп укучылары “Мин татарча сөйләшәм” шәһәр программасының чираттагы этабында катнашып 2 нче урын яулап кайтты. 2 нче этап “Халык әйтсә,хак әйтә”исеме астында узды, бу чарага 1-4 нче сыйныф укучылары чакырулы иде. Укучыларга татар халык авыз иҗаты буенча сораулар бирелде. Мәкальләр, тизәйткечләр, табышмаклар әйтү буенча безнең мәктәп укучылары беренчелектә булды. Җыр – бию чарага зәвык өстәде, балаларда зур кызыксыну уятты. Татар халкының авыз иҗаты бигрәк бай, күпкырлы, тирән мәгьнәви төсмерләре белән шаккаттыра! Берсен-берсе уза–уза тизәйткечләр әйтү балаларны аеруча канатландырды. 
     Укучыларыбыз бу этапка бик теләп катнашты, уеннан алган хис -кичерешләрен, шатлык-куанычларын, елмаюларыннан ук тоемлап алырга мөмкин иде. Әлбәттә, алда яңа этаплар,яңа сынаулар көтә.Укучыларның күзендә очкын янганда,күңелләрендә теләк барында без җиңүле урыннар яуларга әзер!