Татар халкы үзенең бөек шагыйре Г.Тукайны онытмый. Быел да яраткан шагыйребезнең 137 еллыгы уңаенннан, мәктәбебездә “Тукай безнең күңелләрдә” дигән әдәби-музыкаль кичә узды. Кичә барышында шагыйрьнең тормыш юлы искә төшерелде, “Бала белән күбәләк”, “Су анасы” әсәрләре сәхнәләштерелде. Г. Тукай шигырьләре яңгырады, төрле музыка коралларында көйләр уйналды.
Г. Тукай үзенең иҗат җимешләре аша хезмәтне, табигатьне, кешеләрне яратырга, гадел, мәрхәмәтле булырга өйрәтә. Ә укучыларыбызның татарча матур итеп сөйләүләре тамашачыларыбызның күңеленә хуш килде.