Быелгы уку елында 31 мәктәп укучылары  татар телендәге конкурсларда, программаларда актив катнашып, төрле өлкәдәге белемнәрен арттыралар. Күп еллар эшләп килүче  “Диалог” (җитәкчесе Хәйрдинова Р.М.),  “Мин татарча сөйләшәм” (Сәфәргалиева Г.Г.) программаларына әзерлек эше башланды. “Җәлил укулары” V Халыкара әдәби бәйгесенә 4б сыйныф укучылары Вәлиева Э., Мәрданова И. (җитәкчеләре Мингазова И.Г.),  Сәримов Айгиз, 4д (Гыйзәтуллина К.М.) үзләренең видеоязмаларын бәйгенең социаль челтәрдәге битенә инде урнаштырдылар. Аларга уңышлар телибез!