3нче декбрь көнне балалар иҗат сарае (ГЦДТиМ) бинасында 1-4 нче сыйныфлар арасында “Татар кызы” бәйгесенең финал туры булып узды. Финалга шәһәребезнең төрле мәктәпләрендә укучы 32 кыз арасыннан иң уңган, иң акыллы, иң талантлыларның 9-ы гына сайлап алынды. Алар арасында  4 нче “Г” сыйныфында белем алучы йолдызыбыз Гыймәдиева Самирә дә бар иде. Бәйгедә кызлар көч сынашты. Самирә үзенең “Җырлап яшик” дигән дәртле җыры белән жюри әгъзаларының күңелен яулады.  Ә бәйге барышында ничә генә кием алыштырып өлгерделәр икән кызлар! Сынатмадылар! Безнең Самирә “Иң камил кыз”  дигән номинациядә җиңү яулады. Камил булырлык та шул! Татарстан Президенты стипендиясенә лаек кыз бит ул! Афәрин!