Балалар бакчасында педагоглар арасында «Фикерләр кәрзине» дип аталган диспут узды. Педагоглар ана телен үстерүне ничек күзаллыйлар,  ана телен өйрәткәндә нинди проблемалар килеп чыга-шулар турында бәхәс алып бардылар. Кемдер балага ана телен әти-әни өйрәтергә тиеш дип саный, кемдер исә ана телен балаларга балалар бакчасы белән мәктәп бирергә тиеш диләр. Һәр педагог үзенең фикерен язып кәрзингә салды. Кәрзиндәге җавапларны соңыннан бергәләп укып фикер алышу бик күңелле булды. Әлбәттә, ана телен өйрәткәндә бакча да, мәктәп тә, әти-әниләр барысы да үз өлешен кертсә яхшы булыр иде дигән фикер белән барлык педагоглар да килеште.