Хөрмәтле, Антонида Николаевна!

Көчле рухлы, кешелекле, юмарт һәм ярдәмчел Сез!

Сезне күркәм юбилеегыз белән тәбрик итәбез. Туар таңнарыгыз тыныч, саулыгыгыз ныклы, гомерегез бәхетле булсын! Кайгы-хәсрәт күрми, озын гомер итегез, балаларыгызның, якыннарыгызның игелеген күреп яшәргә язсын!

Безнең педагоглар, Яр Чаллы шәһәре мәгариф учреждениеләре хезмәткәрләре арасында үткәрелгән, Спартакиада кысаларындагы, чаңгы ярышларында катнаштылар

Җылы кояш нурларына төренеп, йөгерек гөрләвекләре белән йөгереп язның беренче ае — март та килеп җитте.
Барыбызга да билгеле әлеге айның иң матур иң олы бәйрәме — Сигезенче март — Халыкара хатын-кызлар көне.

Хөрмәтле гүзәл затлар! Табигатнең суыктан җылылык чорына омтылган мизгеленә туры килгән бәйрәмегез һәрвакыт җылы матур истәлекләр генә калдырсын.

Бу атнада безнең балалар бакчасында 8 Март-Халыкара хатын-кызлар көненә багышланган бәйрәмнәр булып узды, анда барлык төркем балалары үзләренең әниләрен һәм әбиләрен котладылар. Бәйрәмнәр бик күңелле үтте, әниләр һәм әбиләр чакырылды. Балалар шигырьләр сөйләделәр, биеделәр, музыкаль инструментларда уйнадылар, әни һәм әби турында җырлар җырладылар. Кунаклар да эстафеталарда катнаштылар, биеделәр. Бәйрәм ахырында балалар үз куллары белән ясалган бүләкләр тапшырдылар.

Хөрмәтле әниләр, әбиләр һәм апалар!

Сезне 8нче март- Халыкара хатын-кызлар көненә багышланган, бәйрәмнәргә чакырабыз!