18.02 көнне бакчабызда Ватанны саклаучылар көненә багышланган чара узды. Чарага мәктәпкә хәзерлек һәм зурлар төркемнәренең әтиләре, бабайлары килгән иде. Балаларга һәм әти-бабайларга көч-куәт биреп торырга әниләр, әбиләр дә килгәннәр. Балалар әти-бабайлары белән төрле «станцияләрдә» биремнәр үтәделәр: саперлар да, снайперлар да, разведчиклар да булдылар. Кар өеме эченнән флаг эзләү барысына да бик кызыклы булды.  Балаларга  аеруча ошаганы – «яралыны госпитальгә илтү» булды: әтиләр балаларны ватрушкага утыртып икенче урынга илтеп куйдылар. Бәйрәм ахырында балалар һәм барлык килгән кунаклар  «солдат боткасы» белән сыйландылар. Салкында кайнар ботка белән чәй эчү күңелләрне дә җылытып җибәрде. Бәйрәм күтәренке рухта тәмамланды.