Россия көне - илебез белән горурланучы, аңа ышанучы, бүгенге һәм киләчәк өчен үз җаваплылыгын тоючы һәркемнең дәүләт бәйрәме. Нәкъ менә 12 июнь 1990 елда Россиянең дәүләт суверенитеты турында Декларация кабул ителә, анда Конституция һәм аның законнары өстенлеге игълан ителә. Шул ук вакытта безнең илгә Россия Федерациясе дигән яңа исем дә бирелә.

Россия - бай тарихи һәм мәдәни традицияләргә ия ил. Аның чикләрендә төрле халыклар, телләр, диннәр һәм гореф-гадәтләр бар. "Россия көне" интеллектуаль танып белү уенында 2 отряд балалары үзләрен бик актив күрсәтте. 

Шатлыклар – күңелебездә.
Ал кояш – күгебездә.
Килегез, дуслар, кунакка,
Сабантуй бүген бездә.

"Адымнар - Чаллы" мәктәп яны лагеренда халкыбызның милли бәйрәме - Сабантуй 10 июньдә гөрләде. Сабан туе елына бер килә торган милли бәйрәм генә түгел әле. Ул –  телебез һәм моңыбыз белән бергә татарны милләт буларак саклап калган тарихи изге йолабыз да. Һәр отряд бәйрәмгә бер татар халык уенын әзерләде һәм башкаларны да шул уенга чакырды. Сабантуйда халкыбызның буыннардан буыннарга сакланып килгән уеннарын балалар бик теләп уйнадылар. 

9 июнь "Адымнар - Чаллы" мәктәп яны лагеренда "Убырлы карчыкта кунакта" исемле юл йөрү кагыйдәләрен искә төшереп, ныгытуга багышланган интерактив уен үткәрелде. Балалар,  станцияләр буенча йөреп, төрле-төрле биремнәрне үтәделәр. Юл йөрү кагыйдәләрен балалар бик яхшы үзләштергән, дип уйлыйбыз. 

5 июнь "Адымнар - Чаллы" мәктәп яны лагеренда "Спорт көне" дип игълан ителде. Бөтенроссия физкультура-спорт комплексы "Хезмәткә һәм оборонага әзер" чарасы кысаларында балалар үзләренең физик мөмкинлекләрен сынадылар. Ярышлар «Тизрәк, югарырак, көчлерәк! " девизы астында узды.

26 май көнне гимназиядә 160 башлангыч сыйныф укучысы өчен "Адымнар Чаллы" мәктәп яны лагерен ачу тантанасы булды. Лагерь 26 июньгә кадәр дәвам итәчәк. Балаларны төрле бәйрәмнәр,экскурсияләр, күңел ачу, иҗади һәм спорт чаралары, мастер-класслар көтә.

Бүген "Адымнар-Чаллы" гимназиясендә "Мәйдан" журналы белән берлектә танылган язучы, дин белгече,җәмагәть эшлеклесе, Татар китабы йортының мөдире - Айдар Рәсим улы Шәйхин белән Кол Галинең "Кыйссаи Йосыф" әсәре буенча "Мәңгелек мәхәббәт тарихы" дигән чара узды.

Татар теле атналыгының соңгы көнендә "Адымнар-Чаллы" гимназиясе укытучылары һәм укучылары бөек татар шагыйре Габдулла Тукайның һәйкәленә барып, аның иҗатына һәм татар әдәбиятын үстерүгә керткән өлешенә хөрмәт белдерделәр. Моңа кадәр алар гимназиядә фильм карау өчен җыелдылар.

 Татар теле атналыгы кысаларында Сабантуй узды! 

Бүген безнең гимназиядә Татар теле атналыгы уңаеннан зур һәм күңелле Сабантуй узды. Балалар һәм укытучылар бергәләп милли гореф-гадәтләребезне яңарттылар, уеннарда катнаштылар һәм татар мәдәниятенең байлыгын тойдылар.

Сабантуйда уеннар, биюләр, җырлар белән танышу мөмкинлеге булды. Күпләребез өчен бу бәйрәм күңелле истәлекләр калдырды.

21 апреля в нашей гимназии состоялись соревнования по настольному теннису среди школ  Центрального района. Наш ученик с 9 А класса Яковлев Марат занял 1 место. Поздравляем его и желаем дальнейших побед.

Туган тел атналыгы кысаларында безнең укытучыларыбыз Габдулла Тукайның искиткеч әкиятләре һәм шигырьләренә багышланган кызыклы викториналар һәм уеннар оештырды. 

Барлык сыйныф укучылары, башлангычлардан алып өлкәннәренә кадәр, зур кызыксыну белән катнаштылар. Һәркем бөек шагыйрьнең иҗаты турында үз белемнәрен генә түгел, ә аның әсәрләренең атмосферасына да чумды.