Һөнәрләр дөньясы...Интернет челтәренә кереп шушы дөньяны өйрәнеп карарга булдым. Сораулар чиксез: нинди хезмәт мөһим бу заманда, кайсы уку йортларын сайларга, кайда кирәк була мин сайлаган һөнәр, кем булып чыгам.. Төгәл генә җавап таба алмадым. Ә укучы бала?! Тормыш тәҗрибәсе әле мәктәп стеналары белән чикләнгән, барасы юлының әле башында гына торган балага бу интернет челтәрендә ничек буталмаска, дөрес итеп нинди ярдәм оештырырга?...
Бу изге эшкә лицейны төрле елларда тәмамлап, тормышта үз урыннарын алган, инде зур уңышларга да ирешергә өлгергән галиакышлылыр алынды. Менә Белем бәйрәмендә безгә кунакка 2007 ече елгы чыгарылыш укучысы Галимов Рәшит килде. Хәзерге вакытта Америка Кушма Штатларыныда яши, үзенең эшен ачып җибәргән һәм уңышлы юлда. Үзе турында, чит илдәге беренче кыенлыклар, беренче адымнар, аның уй- кичерешләре, Әнисенең ярдәме, лицей биргән белем һәм тәрбия. Рәшит салмак кына чыгыш ясый, ә мин аның белән горурланып утырам. Бу акыллы, тырыш, максатчан егетнең заман таләпләренә батыр карап яшәвенә сокланам. Күпләргә үрнәк. Булдырасың егет. Күзләр тимәсен. Залдагылар аның чыгышын бик җылы каршылады, сораулар яңгырады. Кысыксыналар, димәк, без дөрес юлда. Соңгы очрашу булмасын. Уңышлар безгә