Лицейда Туган телләр елына багышланган чаралар уздыруны дәвам итәбез. "Татаркино " проекты буенча Мәҗлесләр залында укучыларга "Үксезләр" дигән фильм күрсәтелде. Картина татар телендә төшерелгән, субтитралар белән рус теленә дә тәрҗемә ителгән. Фильмның режиссеры Нурания Җамали, күп телевизион картиналар аша тамашачыга таныш талантлы шәхес. Тирән эчтәлекле, уйланырга мәҗбүр итә торган сюжет. Артистлар да оста уйный, фильмның төшерелү сыйфаты да бик югары. Укучылар бик җылы кабул иттеләр.  Рәхмәт "Татаркино" безне шулай фильмнар аша ватанпәрвәр рухта тәрбияләгән өчен!