Быел 8-10 ноябрь көннәрендә бөтен Җир шарына сибелеп яшәгән милләттәшләребез һәм татар телен өйрәнүчеләр, белүчеләр, белергә теләүчеләр татарча диктант яза! Яр Чаллы шәһәре белем бирү учреждениеләре бүген “Татарча диктант” акциясендә актив катнаштылар: 1639 - балалар бакчалары хезмәткәрләре, әти-әниләр; 20 419 – мәктәп укучылары, укытучылар һәм әти-әниләр; 200 – урта һәм югары белем бирү учреждениеләре студентлары; 25 – Яр Чаллы шәһәре башкарма комитеты хезмәткәрләре. “Татарча диктант” акциясе татар теле сөючеләрен берләштерүгә, дөрес язу һәм әдәби татар телен белүгә кызыксынуны арттыруга юнәлдерелгән. Диктантта һәркем катнаша ала.