Укучыларга үткән тарихыбызны дөрес итеп җиткерү, телебез, динебез, гореф-гадәтләребез, милли йолаларыбыз, бөек шәхесләребез турындагы белемнәрен ныгыту, милләт язмышына битараф  булмаган  шәхесләр тәрбияләүдә ярдәм итү максатыннан, 14 нче  Балалар һәм яшүсмерләр үзәге, шәһәр мәгариф һәм яшьләр белән эшләү идарәсе белән берлектә  инде 18 ел рәттән “Татарстан дигән Ватаным бар, татар дигән бөек халкым бар” дип исемләнгән  бәйге үткәрә.

         Агымдагы елда бәйгедә  шәһәребезнең 42 мәктәбеннән өлкән сыйныф укучылары катнашты. Бәйге барышында конкурсантларыбыз татар халкының тарихы, дине, сәнгате, әдәбияты турында белемнәрен исбатладылар. 

Ике тур нәтиҗәсендә  иң күп балл җыйган 7 укучы финал ярышларына үтте:

4 нче мәктәп- Салахова Нурия

6 нчы мәктәп –Дәүләтшина Диләрә

26 нчы гимназия- Гомәрова Индира

34 нче мәктәп- Хәйруллина Ләйлә 

36 нчы гимназия- Гафуров Ренат

37 нче мәктәп- Гиниятуллина Айсылу

78 нче лицей- Хәсәнова Венера

         13 апрель көнне 14 нче  Балалар һәм яшүсмерләр үзәгендә бәйгенең финал ярышлары булып узды.                                                                                                                 Финалистларны “Татар булып тудым, бәхетле мин, татарлыгым- минем иманым”  дигән тема астында үзләре белән таныштыру, интеллектуаль бирем Һәм милли рухта сугарылган иҗади бирем сынаулары көтә иде.

         Балаларның белемнәрен бәяләүдә  алыштыргысыз жюри әгъзаләре Яр Чаллы Дәүләт педагогия университетының татар теле, әдәбияты һәм аны укыту методикасы кафедрасы , тарих һәм аны укыту методикасы кафедрасы мөгаллимнәре, шәһәребезнең “Нур-Ихлас” мәчете вәкилләре зур өлеш кертәләр.

        Дүрт ел рәттән  “Татарстан дигән Ватаным бар, татар дигән бөек халкым бар” бәйгесенең иганәчесе булып “Важен каждый”фонды тора. Бүген дә финалистларыбызны “Важен каждый”фонды тәкъдим иткән баллы күчтәнәчләр көтә. 14 нче  Балалар һәм яшүсмерләр үзәге администрациясе һәм бәйгене оештыручылар  финалистларыбызны бүләкләүдә ярдәм күрсәткән “Важен каждый”фондына олы рәхмәтләрен җиткерә.

Ә бәйгебез нәтиҗәләренә килгәндә,ул түбәндәгечә :

1 урын- Салахова Нурия  (4нче мәктәп укучысы)

2 урын- ДәүләтшинаДиләрә  (6нчы мәктәп укучысы)

3 урын-Гиниятуллина Айсылу (37 нче мәктәп укучысы) 

“Финалист” дипломнары:

Гафуров Ренат (36 гимназия)

Гомәрова Индира (26 гимназия)

Хәйруллина Ләйлә (34 нче мәктәп)

Хәсәнова Венера (78 нче лицей) 

Без татарлар! Үз илебез, телебез белән горурланыйк! Тарихыбызны, мәдәниятебезне, сәнгатебезне онытмыйк, өйрәник, яратыйк! Илебезнең киләчәге безнең кулда!

Гөлкәй Сәйфуллина