13 нче февраль көнне "Ел хатын-кызы", "Ел ир-аты: хатын-кыз карашы" республика конкурсының  Актаныш районында зона туры узды. Зона турында мәктәбебезнең тәрбия эшләре буенча директор урынбасары Шакирова Диана Замир кызы катнашты. Ел саен үткәрелә торган әлеге дәрәҗәле чараның финалына чыгар өчен Актаныш, Алабуга, Әгерҗе, Менделеевск, Минзәлә, Мөслим һәм Тукай районнарыннан 30га якын конкурсант килгән иде.Бәйгедә мәртәбәле жюрига берничә номинация буенча иң-иңнәрен сайларга кирәк иде. Рухи һәм мәдәни кыйммәтләргә зур өстенлек бирүчеләр, галимәләр, үз балаларыннан тыш тәрбиягә тагын чит балаларны алган аналар, лаеклы ялда булуларына карамастан, бүген дә актив тормыш рәвеше алып баручы апалар, үз һөнәрләренә гомер буе тугры калучылар һәм башка төр сынауларда катнашучыларның зона бәйгеләренә ныклы әзерлек белән килгәннәре күзгә ташланды.Коллегабыз әлеге конкурста уңышлы гына чыгыш ясап,”Лидер хатын-кызы” номинациясенә лаек булды.  Шулай ук  конкурста актив катнашкан укучыларга, аларның әти-әниләренә зур рәхмәтләребезне әйтәсебез килә.