15 нче февраль Әфганстаннан Совет гаскәрләре чыгарылган көн буларак билгеләнеп үтелә. 2020 нче елның 15 нче февралендә Әфганстан җиреннән Совет гаскәрләрен чыгарылуга 31 ел була. Шул уңайдан 13 нче февраль көнне мәктәптә "Әфганстан- йөрәк ярам!"-дип аталган класстан тыш чара үтте. Чарада 5-9 нчы сыйныф укучылары, безнең җирлектән Әфган илен, Зфган җирен үз күзләре белән күргән, андп барган сугышларда катнашкан танкист Харисов Равиль Миннесалих улынын, бертуган апасы Фахертдинова Марсила Миннесалих кызы катнашты. Марсила ханым хатирәләре белән уртаклашты, укучыларны кызыксындырган сорауларга җавап бирде. Ватанны саклау- ир-егетнең изге бурычы. Чын ирләр өчен бу элек тә шулай булган һәм хәзер дә! Очрашу бөтен җир шарында тынычлык булсын, сугыш-афәтләр булмасын дигән теләкләр белән тәмамланды.