20 ноябрь көнне “Сәламәтлек мөмкинлекләре чикләнгән балалар өчен Түбән Табын мәктәп-интернаты” ның 5-9 сыйныфларда “Үз гамәлләребез өчен үзебез җаваплы» дигән тематик сыйныф сәгате үтте.  Чараның максаты: балаларның хокук бозулар турында белемнәрен тәртипкә салу, аларны хокук бозу төрләре һәм алар өчен җәза белән таныштыру; балигъ булмаганнарның хокук бозуларын профилактикалау, укучыларның хокукый аңын тәрбияләү; мөстәкыйль рәвештә җаваплы карар кабул итү күнекмәләрен формалаштыру; үз гамәлләре өчен җаваплылык хисе тәрбияләү; төркемдә эшли белүне үстерү, үз карашларын белдерү, дискуссия алып бару, сүзлек запасын киңәйтү һәм активлаштыру иде. Сыйныф сәгате барышында укучыларга «Бала хокуклары турында» Конвенциянең асылы, хокук бозулар вакытында юридик җаваплылык вариантлары, укучыларның хокуклары һәм бурычлары аңлатылды. Балаларга бигрәк тә «Юридик консультация» рольле уены, хәзерге тормыш шартларында үз хокукларыңны ничек якларга һәм үтәргә мөмкин булуы турында «Хокук һәм бурычлар» ситуатив уены, «Закон һәм мин» викторинасы, «Укучылар өчен җинаять кодексы " видеоролигын карау ошады.