“Сәламәтлек мөмкинлекләре чикләнгән балалар өчен Түбән Табын мәктәп-интернаты”нда Бөек Җиңүнең 74 еллыгын бәйрәм итүгә әзерлек чаралары киң колач белән алып барыла. Укучыларда ветераннарга карата хөрмәт, патриотик хисләр тәрбияләү максатыннан “Җиңү көне җиңел бирелмәде”, “Алар Ватан өчен көрәштеләр”, “Мөслим геройлары” темаларына сыйныф сәгатьләре үткәрелде, “Пусть мирные звезды над миром горят” видеофильмы күрсәтелде. Чараларда укучыларга Бөек Ватан сугышының мөхим вакыйгалары, Мөслим районы Советлар Союзы геройлары турында мәгълүматлар бирелде, дәхшәтле сугыш елларында кешеләрнең күрсәткән батырлыклары, “Барысы да фронт өчен, барысы да җиңү өчен!” девизы астында яшәүләре аңлатылды.