М. Җәлилнең тормыш юлы һәм иҗатына багышланган атналыкны йомгаклау булды. Укучыларның атна буе эшләгән эшләренә бәя бирелде.  Алдынгы урын алган укучылар бүләкләнде.

День 23 февраля пришел,
Мы вам желаем мужества, удачи,
И в жизни пусть все будет хорошо,
Успешно пусть решаются задачи!
Чтобы мечты сбывались вновь и вновь,
И становился круг друзей все шире,
Здоровье крепким было и любовь,
Удачи вам и мира во всем мире!

Мәктәбебездә туган тел көне зур  бәйрәм итеп үткәрелде. Бәйрәмне укытучы Вәлиева З. Н. кызыклы һәм мавыктыргыч итеп оештырды. Укучылар туган тел турында шигырьләр сөйләделәр, мәкальләрнең асылын аңлаттылар. " Сүзләр дөньясында" бәйгесендә  Васильев, Хөсәенов, Хәлилов, Пронина алдынгылыкны бирмәделәр.

Ватанны саклаучылар көне уңаеннан мәктәбебездә Мөслим районының атказанган очучысы Шафыйков Р.В., техник фәннәр кандидаты, штангист, Кара диңгез флотында хезмәт иткән моряк Мөгалимов А.Ф. белән очрашу үтте. Алар үзләренең тормыш юллары белән таныштырдылар, кызыклы хәлләрне исләренә төшерделәр. Шулай ук очрашуга мәктәбебез ир-егетләре дә чакырылган иде. Алар да истәлекләре белән уртаклаштылар, хәерле, тыныч тормыш, сәламәтлек теләделәр. Укучылар очрашуга килгән абыйларга матур шигырьләр сөйләделәр, җырлар башкардылар. Соңыннан, һәр килгән кунакка, очрашу истәлеге итеп бүләкләр тапшырылды. Очрашу мул табын артында дәвам итте. 

 “Районыбызның эшмәкәрләре” дигән  бердәм тема астында үтүче чираттагы тормыш   дәресенә 5-9 класс укучылары класс җитәкчеләре белән берлектә Атлас авылында эшләп килүче шәхси эшмәкәр Гайсин Раил Рәис улы һәм аның “Атлас” җаваплылыгы чикләнгән җәмгыятенә экскурсиягә бардылар. Анда балалар блок чыгару серләре белән таныштылар, үгезләр симертү фермасына керделәр һәм Раил Рәис улының эшмәкәрлек эшчәнлеге белән таныштылар. Очрашу бик тәрбияви һәм файдалы булды!

5-9 класс укучылары класс җитәкчеләре белән берлектә  Тойгелде җирлегендәге бердәнбер Бөек Ватан сугышы ветераны,  бүгенге көндә Атлас авылында гомер итүче Фәйзуллин Шәйдулла бабайны Ватанны саклаучылар көне белән тәбрик итеп  кайттылар.Укучылар бабайга концерт номерлары бүләк иттеләр  һәм үз куллары белән ясаган бүләкләрне ,күчтәнәчләрне тапшырдылар.

17 февраль  көнне Муса Җәлилнең иҗатын өйрәнүгә багышланган атналыкта, Муса Җәлил әсәрләрен укытучы һәм тәрбиячеләр, укучылар сәнгатьле итеп укыдылар. Шулай ук  аның шигырьләрен аудиоязмада да тыңладылар. Соңыннан балалар шигырьләргә рәсемнәр ясадылар.

19 февраль  көнне Муса Җәлилнең иҗатын өйрәнүгә багышланган атналыкта, һәр сыйныф укучылары өчен татар теле һәм әдәбияте укытучысы Вәлиева Зөлфия Насыйх кызы, язучы иҗатына багышлап, тест биремнәре төзеде. Укучылар бик теләп аларны чиштеләр. Аеруча Хәлилов Айдар, Хәбибуллин Айнур, Васильев Эльвир, Попов Максим, Хөсәенов Ленар  төгәл һәм дөрес җавапларны билгеләделәр.