Мөслимдә Татар әдәбияты һәм сәнгате көннәре уңаеннан, мәктәбебезгә укучылар белән очрашуга язучы, журналист, драматург, С. Сөләйманова, И.Юзиев, Т. Миңнуллин исемендәге премияләр лауреаты, Татарстанның атказанган сәнгать эшлеклесе, Татарстан Язучылар берлеге әгъзасы, А. Гыйлаҗев исемендәге Чаллы татар дәүләт драма театрының әдәби бүлек мөдире Айгөл Габдулла кызы Әхмәтгалиева, язучы әдәбият белгече, укытучы, филология фәннәре кандидаты, доцент, Татарстан Язучылар берлеге әгъзасы, Р. Төхфәтуллин, С. Сөләйманова исемендәге премияләр лауреаты "Әлмәт таңнары" газетасының баш мөхәррире Рәфкать Ширияздан улы Шаһиев катнашты. Әдипләребез үзләренең иҗатлары белән таныштырдылар, укучылар белән аралаштылар. Укытучылар, укучылар үзләрен кызыксындырган сорауларга җавап алдылар. Әдипләр белән очрашу, аларның киңәшләре, фикерләре укучыларга алга таба тормышларында үз юлларын билгеләүгә, әдәби әсәрләр укырга этәргеч бирде. 
   Очрашу Г. Тукайның "Туган тел" җыры белән тәмамланды.