Сентябрь-октябрь айларында Казан Федераль Университеты тарафыннан “Илһамлы каләм” конкурсы игълан ителгән иде. Бу конкурска укучылардан проза, публицистика, поэзия буенча иҗади эшләр кабул ителде. Гимназия укучылары Сарварова Нәзилә һәм Кашапова Илүзә үзләренең проза жанрында иҗат иткән әсәрләре белән катнашып, 2 турга уздылар һәм йомгаклау турына чакырылдылар. Казанда алар күренекле язучылар, шагыйрьләр белән очраштылар, тел һәм әдәбият галимнәреннән күп сорауларга җаваплар ишеттеләр. Укучыларның эшләре югары бәяләнде.