Мөслим районы башлангыч сыйныф укытучылары мәгълүмати - методик үзәкнең башлангыч белем бирү буенча методисты Харитонова Э.М. җитәкчелегендә  Арча районы Кырлай мәктәбендә бөек шагыйрь Г. Тукайның 125  еллыгына багышланган  районара семинарда  булып кайттылар. Семинар барышында  Идиятуллина М.А. электрон иҗади лабораториясе белән таныштырды,  Фәхертдинова Л.А.  "Балаларга эстетик тәрбия бирүдә  эш алымнары" темасына чыгыш ясады. Шулай ук семинарда Рахматуллина А.Р., Исмагилова Г.Ф., Нигимаева Г.А., Мадъярова И.Р.лар да  катнаштылар. Арча районының мәгълүмати-методик үзәк методисты чыгыш ясаучыларга тирән рәхмәтен белдерде, чыгышларның нәтиҗәлелеген ассызыклады.  Укытучылар соңыннан Г. Тукай музеенда булдылар, шагыйрь турында кызыклы мәгълүматлар туплап, җылы тәэсирләр белән кайттылар.