«Өлкәннәр көне» декадасы быел да  Мөслим гимназиясендә зур энтузиазм белән башланып китте. Декада уңаеннан «Изгелек» исеме астында 10 көнлек игълан ителде.

10 сыйныф укучылары класс житәкчеләре Лариса Арсланова җитәкчелеге астында инде менә 6 нчы ел рәттән Картлар һәм Инвалидлар йортына барып, үзләренең күчтәнәчләрен биреп, җылы теләкләрен әйтеп кайталар. Укучыларның матур традициясенә әверелеп өлгергән әлеге изге гамәлләрен өлкәннәр зур җылылык белән кабул итеп, рәхмәт хисләрен белдереп калдылар.

Гимназиягә үз гомерен багышлап, бүгенге көндә лаеклы ялда булган мөгәллимнәребез дә коллективыбыз игътибарыннан читтә калмады. Гимназиянең профсоюз комитеты һәм укытучылар коллективы пенсионер педагогларыбыз Талипова Л.Ә. һәм Фатхуллина З.С. янына барып, өлкәннәр декадасы һәм укытучылар көне уңаеннан истәлекле бүләкләр тапшырып, бәйрәм белән котлап кайттылар.