Бүген гимназиябездә олы бәйрәм. Безгә бүген зур кунак килде - күренекле язучы-поэт Факил Сафин. Факил абыйның 60 яшьлек юбилеена багышлап укучылар һәм укытуылар бәйрәм кичәсе оештырдылар. Балалар үзләренеә яраткан шигырьләрен сөйләп, җырлар җырлап, Факил абыйга хөрмәтләрен белдерделәр. Факил абый да, үз ягыннан, балаларга рәхмәтен белдерде, үз тормышыннан кызыклы вакыйгаларын сөйләде. Әлеге чарада Мөслимебезнең танылган шәхесләре Ф.Садриев, М.Әхмәтҗанов, Л.Садриева да катнашты. Язучыларны район башлыгының социаль-мәдәни эшләр буенча урынбасары Солтанов Р.Җ. озатып йөрде. Кичә укучылар һәм татар теле укытучылары тарафыннан оештырылган сценарий бенча барды, шагыйрьнең шигырьләре укылды, аның җырлары башкарылды. Укучылар үзләрен кызыксындырган күпсанлы сорауларга җаваплар алдылар.