Гимназиядә китап атналыгы уздырылды. Атналыкның максаты укучыларда сөйләм телен үстерү, сүзлек байлыгын арттыру, телгә кызыксыну уяту, яхшылык белән начарлыкны аера белергә өйрәтү иде. Барлык чаралар укучыларның яшь үзенчәлекләренә карап үткәрелде. Балалар китапханә дәресләрендә, викториналарда  катнаштылар.

“Әкият геройлары бездә кунакта” дигән исем астында укучылар ясаган рәсемнәрдән күргәзмә куелды, урыннар билгеләнде. 1 урынга  2 в сыйныфы, 2 урынга 1 а, 3 нче урынга 3 а сыйныфы лаек булды, аерым укучылар номинацияләрдә җиңеп грамоталар белән бүләкләнделәр.

 Иң күп укучы класс һәм иң күп китап укучы ачыкланды. Алар  4 а классы һәм 4а классыннан Сабитова Айгөл һәм 2 а классыннан Харитонов Динар. Иң яшь укучы номинациясендә 1а классыннан Галиева Азалия һәм Нассер Мәрьям җиңү яулады. Афәрин!