Өлкәннәр һәм укытучылар көне уңаеннан 7 нче сыйныф укучылары лаеклы ялда булган ветеран укытучыларыбыз Нәкыя Мирзанур кызын һәм Ләлә Әскать кызын укытучылар һәм өлкәннәр көне белән котладылар. Укытучыларыбызга сәламәтлек, бетмәс-төкәнмәс энергия, якыннарының кадерлеләре булып яшәүләрен телибез.

Мөслим гимназиясе укучылары яшь натуралистларның республика форумында катнаштылар. Гимназия укучыларыннан торган "Экодоблесть" командасы Татарстан Республикасындагы иң яхшы отрядлар арасында 2нче урынга лаек булды. Отряд 2нче дәрәҗә диплом һәм вай- фай метеостанция белән бүләкләнде.

Куркынычсызлык атналыгы кысаларында, педагог-китапханәче Солтанова Г.М. 5а,5б,5в сыйныфы укучыларына "Яшь юл йөрүче көндәлекләре" таратты һәм аларны тутыру тәртибе белән таныштырды.

Юл хәрәкәте куркынычсызлыгы атналыгы кысаларында 8 а сыйныфында юл хәрәкәте иминлеге буенча " Үз уеным" уен- викторинасы оештырылды. Класс командиры Камилә Минһаҗева кызыклы биремнәр, ребуслар әзерләде. Укучылар юл хәрәкәте кагыйдәләрен яхшы белүләрен күрсәтте

Туган телләр һәм халыклар бердәмлеге елы кысаларында 9-11 нче сыйныф укучылары Татарстан милли музееның ТАССРның 100 еллыгына багышланган күчмә күргәзмәдә булдылар

Мөслим гимназиясе укучылары "Казан экспо" заманча Халыкара күргәзмә үзәгендә уза торган халыкара форумда катнаштылар. "Карьера навигаторы" муниципаль проекты кысаларындагы әлеге форум мәктәп укучыларына иртә профориентация бирү һәм һөнәр сайлауда ярдәм күрсәтү максатыннан эшләнгән

Куркынычсызлык атналыгы кысаларында, 5а,5б,5в сыйныфы укучылары өчен Башаров И.И. "Җәяүлеләргә һәм велосипедта йөрүчеләр өчен юл йөрү кагыйдәләре" дигән тема астында дәрес уздырды. Укучылар информатив видеолар, плакатлар карадылар, Ильназ Иршатовичны игътибар белән тыңлап, сорауларына актив рәвештә җавап бирделәр

Юл йөрү кагыйдәләрен өйрәнү атналыгы кысаларында Сарман һәм Мөслим районнары буенча юл хәрәкәте иминлеге начальнигы Ситдикова Алсу Разиновна беренче сыйныфлар алдында чыгыш ясады. Ул балаларга юл йөрү кагыйдәләрен искәртте, юлга чыгарга ярамаган очракларны кисәтте, мультфильм күрсәтте. Балаларгы яктылык кайтаргыч знаклар, юл йөрү кагыйдәләренә искәрмәләр таратты

Туган телләр һәм халыклар бердәмлеге елы уңаеннан, "Мөслим кызы" һәм "Мөслим егете" проекты кысаларында 5 нче сыйныфлар өчен библиотека хезмәткәре Кашапова Зилә Мөдәррис кызы сыйныф сәгате үткәрде. Балалар татар халкының бик зур тарихи юл үтеп, ничек барлыкка килгәнен белделәр. Тарихи шәхесләр, бөек дәүләтләр турында балалар бик күп кызыклы мәгълүмат алдылар.

Туган телләр һәм халыклар бердәмлеге елы уңаеннан гимназиябездә чаралар үткәрелеп тора.

Укучылар арасында бердәмлек, татулык һәм мәрхәмәтлелек, патриотик хс тәрбияләү, үз-үзеңне һәм тирә-юньдәгеләрнең куркынычсызлыгын саклау кагыйдәләрен өйрәтү максатларыннан чыгып, бүген , 3 нче сентябрь көнне Үзәк китапханә хезмәткәре Кашапова М.Р Мөслим гимназиясенең 5в һәм 7а сыйныф укучылары өчен “Беслан фаҗигасе һәрвакыт безнең йөрәкләрдә” дигән исем астында сыйныф сәгате үткәрде.