Мөслим үзәк китапханәсе үткәрә торган “Моабит дәфтәре” һәм Мөслим-информ оештырган “Туган телем- иркә гөлем” бәйгеләренә укучыларыбызның видеоязмалары җибәрелде.

15 нче февраль - сугышчы-интернационалистларны искә алу көне. Шул уңайдан мәктәбебездә совет гаскәрләренең Әфган иленнән чыгарылуы, сугышта катнашкан авылдашларыбыз Хәйбрахманов Нияз, Сабиров Тәлгать абыйлар турында мәгълүмат бирелде. Ногманов Фәргать Фәһемулла улы белән читтән торып очраштылар. Без алар белән горурланабыз!

 Муса Җәлилнең 116 еллыгына багышланган балалар иртәсе үтте. Герой-шагыйрьнең тормыш юлы, көрәштәшләре турында мәгълүмат бирелде. Укучылар Җәлил шигырьләрен яттан укыдылар.

Укучыларның хакимият турындагы белемнәрен тирәнәйтү максатыннан башлангыч сыйныфларда “Мин-гражданин! Минем хокукларым һәм бурычларым” исеме астында парламент дәресе узды. Дәрестә җирле үзидарә башлыгы Яббаров Илнар Назиф улы катнашты.

Куркынычсызлыкны тормышка ашыру максатыннан  мәктәп ашханәсе түбәсе кардан чистартылды. Бу өмәдә балаларның әтиләре, абыйлары, бабайлары һәм  мәктәп хезмәткәрләре катнашты.

Сәламәтлек көне кысаларында кышкы эстафета ярышлары үтте. Укучылар үзара көч сынаштылар.

Башлангыч сыйныф укучылары кошлар ашханәсенә җимнәр салдылар. Кошларны күзәттеләр.

Башлангыч сыйныфларда  “Честь и достоинство” темасына багышланган әхлак дәресе үтте.

Мәктәпкәчә яшьтәге балалар төркеме саф һавада хәрәкәтле уеннар уйныйлар, сәламәтлекләрен ныгыталар. 

2 нче сыйныф укучысы Шәрифуллин Рүзәлнең язмасы “Көмеш кыңгырау” гәҗите битләрендә басылып чыкты.