19 декабрь көнне Мөслим лицеенда "Тел күрке - сүз" муниципаль проекты кысаларында балалар шагыйре, Татарстанның атказанган укытучысы, “Халык мәгарифе отличнигы”, Абдулла Алиш, Саҗидә Сөләйманова, Ш. Галиев исемендәге әдәби премияләр лауреаты, “Татар милләтенә күрсәткән олы хезмәтләре өчен” Бөтендөнья татар конгрессы медале иясе, ТР атказанган сәнгать эшлеклесе, ММР Мактаулы гражданины Мөҗәһит Әхмәтҗановның 75 яшьлек юбилее уңаеннан "Шундый матур кешеләр бар арабызда" исемле чара узды. Шагыйрьнең балачагын һәм мәктәп директоры булып эшләгән елларын укучылар сәхнәләштереп күрсәттеләр, шигырьләрен сөйләделәр, “Тылсым” ансамбле башкаруында матур җырлар яңгырады. “Милли моңнар” курайчылар ансамбле, гармунчылар чыгышлары бәйрәмнең бизәге булдылар.