Өлкәннәр көне уңаеннан, “Ләйсән” балалар бакчасында гомеренең күп өлешен яшь буынны тәрбияләүгә багышлаган хөрмәтле кешеләребез кунакка чакырылды.Бәйрәмдә  элеккеге хезмәткәрләр  исеменә котлаулар яңгырады, алар өчен балалар “Бәйрәм белән,ак куңелле апалар!“ дип аталган бәйрәм иртәсе  күрсәттеләр. Җыр-бию, матур шигырьләр,теләкләр белән үрелеп барган  бәйрәмнән соң, хөрмәтлеләребез  табын янына рәхим иттеләр. Өлкәннәр бер-берсе белән аралаштылар, яшьлек хатирәләрен искә алдылар, үзләренең яшьлек җырларын җырладылар.