“2014-2020 елларга Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү” дәүләт программасын гамәлгә ашыру, укучыларда  әдәбиятка, сәнгатькә карата кызыксыну уяту, әдәби иҗатка сәләтле булган яшьләрне ачыклау, яшь язучыларны таныту максатыннан, Татарстан Республикасы мәгариф һәм фән министрлыгы Татарстан Республикасы Язучылар союзы белән берлектә татар телендә иҗат итүче мәктәп укучылары арасында “Илһам” бөтенроссия яшь язучылар, шагыйрьләр һәм драматурглар бәйгесен уздырды. Бәйгенең йомгаклау тантанасы 2015 нче елның 15 нче апрелендә “Пирамида” мәдәни-күңел ачу комлексында үткәрелде. Әлеге тантаналы кичәдә Кадетлар интернат мәктәбеннән дә 6 нчы сыйныф укучысы Шакиров Рәүфкә, 7 нче сыйныф укучысы Исрафилов Сиринатка,  10 нчы сыйныф укучысы Гарипова Миләүшәгә дә  катнашу бәхете иреште.  Укучыларның  бәйгедә катнашуына  мәктәпнең  татар теле һәм әдәбияты укытучысы Мөхәмәдеева Альҗфрида Биктимировна да үз өлешен кертте. Укучыларыбызны тәбрик итәбез! Илһам чишмәгез беркайчан да саекмасын, киләчәктә дә уңышлар һәм яңадан – яңа җиңүләр телибез.