26 нчы февраль көнне 5-8 нче сыйныф укучылары өчен Халыкара Туган тел көненә багышланган “Җыр булырлык сүзләр биргән, Туган телем, рәхмәт сиңа!” исемле әдәби-музыкаль  кичә үткәрелде. Кичәнең беренче өлешендә телләр турында мәгълүмат бирелде. Укучылар тел турында татар, рус һәм инглиз телләрендә  шигырьләр сөйләделәр, презентация белән таныштылар. Икенче өлештә 5 командага бүленеп  ярыштылар:  табышмаклар һәм ребуслар чиштеләр, мәкальләрне дәвам иттеләр, тел турындагы сорауларга җавап бирделәр. Командалар арасында “Зирәкләр”  командасы абсолют җиңүче булды.  “Тапкырлар” командасы –II,   “Җитезләр” –III, “Батырлар” – IV,   “Илһам” -V урыннарны яуладылар. Җиңүчеләргә грамоталар, татлы призлар  бирелде.   Татар телен иң камил белүчеләр арасында  Камашев Маратка (8кл) тиңнәр булмады. Ул “Тел остасы” дигән титулга лаек булды.