Бүген укучыларыбыз әдәбият елына багышланган республикакүләм фәнни-гамәли конференциядә зур җиңүләр яулап кайттылар. Яр Чаллы шәһәренең 84 нче сандагы Гали Акыш исемендәге лицей-интернат базасында уздырыла торган "Яшьләр фәнни эзләнүдә" ("Молодежь в научном поиске") дип аталган бәйге инде 4 нче тапкыр үткәрелсә дә, укучыларыбыз монда беренче тапкыр көчләрен сынап карады. Уңышлар куанырлык, Низамова Алина татар әдәбияты фәненнән Мәгариф һәм фән министрлыгының 1 нче дәрәҗәдәге Дипломына лаек булды. Акберова Лилия һәм Биҗанова Сәрияләр дә сынатмады - алар татар теленнән башкарган проект эше белән конференция лауреаты булдылар. Афәрин, кызлар, дип әйтәсе генә кала.

"Минзәлә" онлайнда укыгыз!