Яшел Үзән районы, 10 нчы гимназиядә үткәрелгән "Яшүсмерләрнең Каюм Насыйри исемендәге XIII төбәкара фәнни-тикшеренү укулары" К.Насыйриның 190 еллык юбилеена багышланган иде һәм бөек мәгърифәтчегә куелачак һәйкәл урынына таш кую белән башланып китте. Бәйрәмдә катнашкан дәрәҗәле кунаклар арасында Бөтендөнья Татар Конгрессы кунаклары Ринат Закиров җитәкчелегендә килде, Президент һәм Министрлар аппаратларыннан, КФУ галимнәре, чит төбәкләрдән һәм чит илләрдән килүче кунаклар да бар иде. Мөселман модасы театры, "Сорнай" җыр-бию төркеме чыгышы, кунакларның котлаулары фәнни укуларны зур бәйрәмгә әйләндерде. Фәнни-тикшеренү конференциясенә 760 эш арасыннан сайлап, гимназиянең 9 сыйныф укучысы Низамова Алинәгә дә чакыру килде. Алинәнең чыгышын галимнәр бик кызыксынып тыңласалар да, быелга ул катнашучы сертификаты белән генә бүләкләнде, аны икенче елга да чакырып калдылар. Чакыргач, килербез, дидек без Алинә белән.

Конференциядән фоторепортаж