3, 7 нче сыйныф укучылары Бөек Ватан сугышы ветераны Тәкыя Зия кызы Саматова белән очрашуга бардылар. 92 яшьтә булуга карамастан, ул әле дә яшьләр белән рәхәтләнеп очраша, сөйләшә. Тәкыя апа Бөек Ватан сугышы вакытында Украинада фашистларга каршы көрәш алып бара. Тормыш иптәше инде исән түгел, ул да Бөек Ватан сугышы ветераны булган, алар батырлыклары өчен бик күп медальләр белән бүләкләнгәннәр. Гаиләдә 2 малай, бер кыз үстергәннәр.

Сугышта күргән авырлыклары, дәхшәтле еллар турында сөйләгәндә, вакыт үткәнен дә сизми калганбыз. Очрашу ахырында Тәкия Зиевнага укучылар кызыксынган сорауларын бирделәр. Ә ул, үз чиратында, дөньяларның тыныч булуын, балаларның акыллы, тәртипле булуларын теләде. Балаларга үз бүләкләрен дә әзерләп куйган. Ә без Тәкия апага озак яшәвен телибез, чөнки сез исән булсагыз, тарихыбыз онытылмас.