Яңа елда балалар Кыш бабайдан бүләк алырга өйрәнгән. Гимназиядә бүген укучылар Директор бүләкләренә ия булдылар. Ибраһимов Ренат Мәхмүт улы каникулларга озатыр алдыннан, олимпиадада катнашып, алдынгы урыннар алган балаларны, мәктәп, район, республика чараларында һәрвакыт катнашып килгән актив укучыларны котлап, аларга Яңа ел бүләкләре тапшырды. Бу күңелле хәл гимназиядә инде традициягә әйләнеп китсә дә, көтелмәгән бүләккә укучылар нык сөенделәр. Хезмәтеңне күрә белү зур канәгатьләнү хисе тудырса, рәхмәтле була белү - һәр кеше өчен күркәм сыйфат.